სასოფლო-სამეურნეო კოოპერატივის „პომონა“ ვაშლისა და ბლის ბაღები გაშენებულია 12 ჰა-ზე საოკუპაციო ხაზთან  ახლოს  სოფელ მეჯვრისხევში. გიორგი ფურცელაძე სასოფლო-სამეურნეო კოოპერატივის წევრია.  მისი თქმით, სასოფლო-სამეურნეო კოოპერატივის ისტორია  დაიწყო 2018 წელს როცა  სოფლის მეურნეობის მიმართულებით საქმიანობა გადაწყიტეს.  როგორც გიორგი ფურცელაძე აღნიშნავს   დაფინანსების თავმოყრა რთული არ ყოფილა.  „ერთ მხარეს იყო სოფლის განვითარების სააგენტო, რომელიც ძალიან მარტივად  გეუბნებოდა რომ დაგიფინანსებდა ნერგს და სარწყავ სისტემას,ამ მხრივ სააგენტოს მონაწილეობა იყო მნიშვნელოვანი,  იმიტომ რომ გრანტი არის ნაჩუქარი ფული , და ის სუბსიდიაც რაც მოდის სახელმწიფოსგან ისიც საჩუქრია. ეს არ არის უბრალოდ ხელშეწყობა ეს არის მიზანმიმართული ინვესტიცია რომელსაც ახორციელებს სახელმწიფო და ფინანსური ინსტიტუტი. ისინი ითხოვენ რომ მოიყვანონ ხარისხიანი პროდუქცია ჩავანაცვლოთ იმპორტი და დავასაქმოთ ადგილობრივი მოსახლეობა რომლებიც ამ სოფლებში ცხოვრობენ.“ -აღნიშნავს გიორგი ფურცელაძე.

სასოფლო-სამეურნაო კოოპერატივმა სახელწიფო ფინანსური დახმარებით სეტყვის საწინააღმდეგო ბადეები დაამონაჟა,  მათ ასევე თანადაფინანსებით შეიძინეს   ტრაქტორი სხვადასხვა აგროსამუშაოების წარმოებისათვის.

გიორგი ფურცელაძის თქმით, წელს  150 ტონა მოსავალი მიიღეს, მათი მოლოდინია რომ  სახელმწიფოს ხელშეწყობით შექმნილი  მეურნეობა 3 წლის თავზე  თავის თავსაც  შეინახავს და  მომგებიანი გახდება.