პროექტის შესახებ

„სახელმწიფო - შენი პარტნიორი“ საქართველოს მთავრობის ინიციატივით შექმნილი პლატფორმაა, რომელიც თავს უყრის ბიზნესის ხელშეწყობაზე ორიენტირებულ სახელმწიფო პროგრამებს. მისი მთავარი მიზანია, მაქსიმალურად გაამარტივოს და გაზარდოს წვდომა სახელმწიფოს მიერ შეთავაზებულ ფინანსურ და ტექნიკურ დახმარებაზე მათთვის, ვისაც ბიზნესის დაწყება, ან არსებული საწარმოს გაფართოება სურს.

„სახელმწიფო - შენი პარტნიორი“ მუშაობს ერთი ფანჯრის პრინციპით, ამიტომ სხვადასხვა სააგენტოს 20-ზე მეტ პროგრამაში ჩართვა ერთი სივრციდანაა შესაძლებელი. გარდა ამისა, ბენეფიციარებს პროგრამაში ჩასართავად აღარ დასჭირდებათ დედაქალაქში ჩამოსვლა და ყველა საჭირო პროცედურის გავლა ადგილზე, თავიანთ რეგიონებში შეეძლებათ. 

წარმატების ისტორია

სამაცივრე მეურნეობა ბოლნისის მუნიციპალიტეტიდან

ბოლნისის მუნიციპალიტეტის სოფელ სავანეთში, შპს“მზიან მოსავალს“ ერთწლოვანი კულტურები,   ძირითადად კარტოფილი და ხახვი მოყავს.

როგორც კომპანიის წარმომადგენელი ნიკოლოზ ღავთაძე აღნიშნავს, გასულ წელს  50 ჰექტარზე  კარტოფილის  დაახლოებით 1,200-1,300 ტონა, ხოლო 25 ჰექტარზე ხახვის  მოსავალი 1,200 ტონა  მიიღეს.   

მოსავალს კომპანია, სამაცივრე მეურნეობაში  ინახავს,  რომელიც სოფლის განვითარების სააგენტოს თანადაფინანსებით აშენდა.   შემნახველი მეურნეობაში, რომელიც  აღჭურვილია თანამედროვე  ვენტილაციის და გაგრილების სისტემებით. ერთდროულად  3,000 ტონამდე ბოსტნეულის დასაწყობებაა შესაძლებელი.

 „დამხარისხებელი ხაზი, რომლის წარმადობა საათში 20 ტონაა და მასთან სამაცივრე მეურნეობა გვაძლევს საშუალებას რომ ჩვენი პროდუქცია შევინახოთ იდეალურ მდგომარეობაში რის შემდეგაც რეალიზაციის პრობლემა პრაქტიკულად გამორიცხულია. ჩვენ მიერ მოწეული კარტოფილი მიეწოდება ქართული ჩიფსები მწარმოებელ კომპანიას ხოლო, ჭარხალი და ხახვი მიეწოდება ადგილობრივ ბაზრებს, გვაქვს ექსპორტიც.  სამომავლოდ ვგეგმავთ სამაცივრე მეურნეობის გაფართოებას და ნათესი ფართობების გაზრდას“ -აღნიშნავს ნიკოლოზ ღავთაძე